"Barselona"ning o‘ng qanot himoyachisi Joau Kanselu jamoaga kelganidan beri deyarli birorta o‘yinni o‘tkazib yubormadi.

Portugaliyalik futbolchi “blaugrana” safida Chempionlar ligasining barcha beshta o‘yinida maydonga tushdi, La Ligada esa 11 matchdan 10 tasida qatnashdi (yagona istisno birinchi o‘yin edi). Qolaversa, 29 yoshli futbolchi Portugaliya terma jamoasi uchun nihoyatda muhim - u Kataloniyaga ko‘chib o‘tganidan beri olti marta terma safida maydonga tushgan.

"Kanselu - haqiqiy sportchi, u hech qachon charchamaydi", - deya Barselonada ishlaydigan jismoniy tayyorgarlik bo‘yicha murabbiylarining so‘zlarini keltiradi jurnalist Xavi Migel. "U har doim to‘liq fidoyilik bilan mashg‘ul bo‘ladi va maydonda 100% borini beradi, lekin u juda tez tiklanadi."

Eslatib o‘tamiz, Kanselu "Manchester Siti"dan mavsum oxirigacha ijaraga olingan.