"Manchester Yunayted" yarim himoyachisi Brunu Fernandesh Chempionlar ligasi guruh bosqichi 5-turi doirasida "Galatasaroy"ga qarshi o‘yindagi durang (3:3) haqida fikr bildirdi. Uchrashuv davomida “Manchester Yunayted” 3:1 hisobida oldinda borayotgandi, ammo yakunda g‘alabani boy berdi.

“Bunday gollar o‘tkazib yuborish juda qiyin. Biz bunday vaziyatlarni nazoratga olishimiz kerak. Bizda yana gol urish va o‘yinni yakunlash uchun ko‘p imkoniyatlar bo‘ldi, ammo buni uddalay olmadik.

Biz yaxshiroq qilishimiz mumkin edi, lekin bu shunday. O‘yin oxirida gol urish uchun to‘rtta imkoniyatga ega bo‘ldik, lekin biz boshimizni baland tutishimiz va gap erkin o‘yinchiga to‘g‘ri uzatmani topish, to‘pni jarima maydonchasida kim bo‘lsa, o‘shaga uzatishga harakat qilish ekanligini tushunishimiz kerak. Eng yaxshi pozisiyani topish kerak va tavakkal qilmaslik kerak. Biz jamoani birinchi o‘ringa qo‘yishimiz kerak", - deya Fernandesh so‘zlarini keltiradi UEFA rasmiy sayti.

"Manchester Yunayted" hozirda 4 ochko bilan Chempionlar ligasi guruhida oxirgi o‘rinda bormoqda.