"Манчестер Юнайтед" ярим ҳимоячиси Бруну Фернандеш Чемпионлар лигаси гуруҳ босқичи 5-тури доирасида "Галатасарой"га қарши ўйиндаги дуранг (3:3) ҳақида фикр билдирди. Учрашув давомида “Манчестер Юнайтед” 3:1 ҳисобида олдинда бораётганди, аммо якунда ғалабани бой берди.
“Бундай голлар ўтказиб юбориш жуда қийин. Биз бундай вазиятларни назоратга олишимиз керак. Бизда яна гол уриш ва ўйинни якунлаш учун кўп имкониятлар бўлди, аммо буни уддалай олмадик.
Биз яхшироқ қилишимиз мумкин эди, лекин бу шундай. Ўйин охирида гол уриш учун тўртта имкониятга эга бўлдик, лекин биз бошимизни баланд тутишимиз ва гап эркин ўйинчига тўғри узатмани топиш, тўпни жарима майдончасида ким бўлса, ўшага узатишга ҳаракат қилиш эканлигини тушунишимиз керак. Энг яхши позицияни топиш керак ва таваккал қилмаслик керак. Биз жамоани биринчи ўринга қўйишимиз керак", - дея Фернандеш сўзларини келтиради УЕФА расмий сайти.
"Манчестер Юнайтед" ҳозирда 4 очко билан Чемпионлар лигаси гуруҳида охирги ўринда бормоқда.
