Madridning “Real” klubi bosh murabbiyi Karlo Anchelotti jamoasi yarim himoyachisi Nikolas Pasning imkoniyatlari haqida gapirdi.

Eslatib o‘tamiz, 29 noyabr, chorshanba kuni madridliklar YECHL guruh bosqichining 5-turi doirasidagi o‘yinda 19 yoshli yarim himoyachining 84-daqiqada kiritgan goli evaziga “Napoli”ni (4:2) mag‘lub etishgan edi.

"Niko "Napoli"ga qarshi o‘yinda jamoaga katta yordam berdi. Bu uning uchun o‘zgacha kecha bo‘ldi. Sizni ishontirib aytamanki, u kelajakda "Real" sharafini himoya qiladigan futbolchi. Unda ko‘p yillar davomida bu yerda o‘ynash uchun zarur bo‘lgan barcha fazilatlar mavjud", - dedi Anchelotti.

Nikolas Pas 2016 yildan beri "Real Madrid" tizimida. Joriy mavsumda yarim himoyachi "Los-Blankos" tarkibida barcha turnirlarda to‘rtta o‘yin o‘tkazib, bitta gol urgan. Futbolchining Madrid klubi bilan shartnomasi 2027 yilning iyun oyi oxirigacha amal qiladi. Transfermarkt internet portaliga ko‘ra futbolchining taxminiy narxi 5 million yevroni tashkil qiladi.