«Manchester Siti» va Premyer-liga «shaharliklar»ga qo‘yilgan ayblovlar bo‘yicha sud jarayonining boshlanishi sanasini kelishib oldi.
Ma’lumki, fevral oyida «shaharliklar» 115 ta moliyaviy qoidabuzarlikda ayblangan. Daily Mail nashrining yozishicha, sud kelasi yilning kuzi oxirida boshlanadi. Hozirda dalil to‘plash ishlari olib borilmoqda.
«Manchester Siti» ishi bo‘yicha hukm 2025 yilning yozida e’lon qilinishi kutilmoqda. Qizig‘i shundaki, Pep Gvardiolaning «shaharliklar» bilan amaldagi shartnomasi 2024/2025 yilgi mavsum oxirigacha amal qiladi.
«Manchester Siti» hozirda APL turnir jadvalida ikkinchi o‘rinda bormoqda.