Madridning “Real” klubi bosh murabbiyi Karlo Anchelotti Yangi yildan keyin natijalarning pasayishi ehtimoli haqida gapirdi.
“Kelgusi yilning boshida bizda resessiya bo‘ladimi? Futbol juda tez o‘zgarmoqda. Muvaffaqiyatli davrlar o‘tadi va yomon davrlar keladi. Biz buni oldindan rejalashtira olmaymiz. Qiyin payt kelganda, jamoa hozir ko‘rsatayotgan ijobiy dinamikani davom ettirish uchun hamma narsani qilish kerak bo‘ladi", - dedi italiyalik mutaxassis.
"Real Madrid" bu mavsumda La Ligada birinchi o‘rinni egallab turibdi. Qolaversa, "qaymoqranglilar" muddatidan avval Chempionlar ligasi pley-off bosqichi yo‘llanmasini kafolatlashdi.
