"Liverpul" va Angliya terma jamoasining sobiq futbolchisi Maykl Ouen Kodi Gakponing o‘yini haqida gapirdi.
Yurgen Klopp niderlandiyalikni hujumning oldingi chizig‘ida, qanotga yaqinroq va yarim himoyada ishlatmoqda. Ouenning so‘zlariga ko‘ra, 24 yoshli futbolchi o‘z o‘rniga ega bo‘lishi uchun yaxshiroq ishlashi kerak.
“Ko‘p qirrali bo‘lish yaxshi. Ammo Gakpo ishonchliroq o‘yin ko‘rsatsa va asosiy jamoaning eng muhim o‘yinchilaridan biri hisoblansa, aniq pozisiyaga ega bo‘lardi", - deya mashhur sobiq hujumchining so‘zlarini keltiradi ingliz OAVlari.
Joriy mavsumda Kodi Gakpo “Liverpul” safida 16 ta o‘yinda maydonga tushib, 6 ta gol va bitta golli uzatmani amalga oshirdi.
