«Siti» pul bilan «Milan» falsafasini deyarli o‘zgartirdi - ammo milanliklar va Kakani muxlislar qutqarib qolishgandi. Italiya bosh vaziri transfer amalga oshmasligini ma’lum qilganida hammasi o‘zgacha tus olgan.
2008 yilda «Manchester Siti» «Abu-Dabi Yunayted» guruhi tomonidan sotib olindi - bu kelishuvdan so‘ng klub eng yaxshilardan biriga aylandi. O‘shanda Kaka xolisona eng yaxshi futbolchi hisoblanardi - aynan u Messi va Ronaldu davridan oldin so‘nggi «Oltin to‘p»ni qo‘lga kiritgan. Ajablanarlisi shundaki, «Siti» uni xohladi va 2009 yilning yanvarida braziliyalik uchun «Milan»ga 100 million funt taklif qildi.
Kaka ESPN telekanaliga bergan intervyusida o‘sha kunlarni esladi: «Bu juda asabiy va og‘ir davr edi. «Milan»da o‘yinchilarni sotmaslik falsafasi bor edi. Kimdir ketishni istasa, buni omma oldida e’lon qilishi kerak edi. 2006 yilda Andrey Shevchenko «Chelsi»ga o‘tmoqchi edi, ammo «Milan» uni sotishni istamadi. Shuning uchun Shevchenko buni e’lon qilishiga to‘g‘ri kelgan.
Ushbu xabardan so‘ng uyimga muxlislar kela boshladi: «O‘zingni sotma, Kaka, qadringni sotma». Ular klub ofisiga ham borishdi.
Qiyin kunlar keldi va otam menga qaror qilishim kerakligini aytdi. Men Milanda qolishimga amin edim: o‘shanda ketish vaqti emas edi. Men dadamga aytdim, u keyin «Man Citi» ahliga buni aytdi.
Ko‘p o‘tmay, Italiya Bosh vaziri Silvio Berluskoni: «Kaka qoladi» deya bayonot berdi. Taxminan soat 23:00da Kaka o‘z uyi derazasidan «Milan» futbolkasini muxlislarga qaratib, ishora qildi. O‘sha kunni eslab, Kaka shunday dedi: Tashqarida katta ziyofat bo‘ldi, bu o‘ziga xos narsa edi. Men klub va muxlislarga juda yaqin edim.
Bu aqldan ozdiradigan holat edi, men barcha davrlarning eng qimmat va eng ko‘p maosh oluvchi futbolchisiga aylanmoqchi edim. Lekin men qolishga qaror qildim. Ketishim uchun hamma narsa tayyor edi, lekin men buni xohlamadim.
Bugun ham, yana uchrashganimizda, Galliani menga uning barcha transferlari ichida eng qiyini meniki bo‘lganini aytdi. Ammo bu klub bilan yanada mustahkam aloqa o‘rnatishimga yordam berdi», – deya eslaydi Kaka.
