Belgiya terma jamoasi bosh murabbiyi Domeniko Tedesko Yevro-2024 guruh bosqichi qur’asi natijalari haqida gapirdi.
Belgiyaliklar Slovakiya, Ruminiya va pley-off g‘olibi B bilan o‘ynaydi.
«Biz xayolparast bo‘lmasligimiz kerak. Futbolda biror narsani rejalashtirish xavfli. Oldinda juda ko‘p ish bor. Bu endigina boshlanmoqda.
Qog‘ozda biz favorit bo‘lishimiz mumkin. Biroq futbol qog‘ozda emas, maydonda o‘ynaladi. Slovakiya juda qiyin. Ular saralash bosqichida kuchli portugaliyaliklarga qarshi yaxshi kurashib, ularga minimal hisobda yutqazishdi va ishonchli tarzda ikkinchi o‘rinni egallashdi», — dedi Domeniko Belgiya matbuotiga.
