Germaniya terma jamoasi bosh murabbiyi Yulian Nagelsmann Yevro-2024 qur’a natijalariga izoh berdi.
Germaniya Vengriya, Shveysariya va Shotlandiya bilan bir guruhdan joy oldi.
"Juda qiziqarli guruh, unda biz hammani mag‘lub etish niyatidamiz. Muxlislar uchun Myunxendagi Shotlandiyaga qarshi bahs turnirning ajoyib boshlanishi bo‘ladi. Qolgan o‘yinlar ham bundan kam qiziqarli bo‘lmaydi. Biz "o‘lim guruhida" emasmiz, lekin juda yaxshi guruhdan joy oldik. Birinchi o‘yin darhol muhim bo‘ladi.
Men Vengriya terma jamoasining bir qancha futbolchilari bilan ishlaganman va ular nimaga qodirligini bilaman. Ular juda qiziqarli futbol o‘ynashadi. Shveysariya bilan o‘yinni geografik qo‘shnilar bilan kichik derbi deb hisoblash mumkin", - dedi Nagelsmann Kicker bilan suhbatda.