Германия терма жамоаси бош мураббийи Юлиан Нагельсманн Евро-2024 қуръа натижаларига изоҳ берди.

Германия Венгрия, Швейцария ва Шотландия билан бир гуруҳдан жой олди.

"Жуда қизиқарли гуруҳ, унда биз ҳаммани мағлуб этиш ниятидамиз. Мухлислар учун Мюнхендаги Шотландияга қарши баҳс турнирнинг ажойиб бошланиши бўлади. Қолган ўйинлар ҳам бундан кам қизиқарли бўлмайди. Биз "ўлим гуруҳида" эмасмиз, лекин жуда яхши гуруҳдан жой олдик. Биринчи ўйин дарҳол муҳим бўлади.

Мен Венгрия терма жамоасининг бир қанча футболчилари билан ишлаганман ва улар нимага қодирлигини биламан. Улар жуда қизиқарли футбол ўйнашади. Швейцария билан ўйинни географик қўшнилар билан кичик дерби деб ҳисоблаш мумкин", - деди Нагельсманн Kicker билан суҳбатда.