Ispaniya terma jamoasi bosh murabbiyi Luis de la Fuente 2024 yilgi Yevropa chempionatiga qur’a tashlash natijalarini sarhisob qildi.
Yevro-2024 da Ispaniya terma jamoasi Italiya, Xorvatiya va Albaniya bilan bir guruhdan joy oldi.
"Bu bizdan katta kuch talab qiladigan guruh. Biz eng yaxshi o‘yinimizni ko‘rsatishimiz kerak. Italiyada ajoyib jamoa bor. Biz Italiya va Xorvatiyani Millatlar ligasidan bilamiz, ularning saralash guruhida birinchi o‘rinni egallagan Albaniyani ham unutmaylik.
Yevro-2024 da oson o‘yinlar bo‘lmaydi. Ammo biz o‘z kuchimizni his qilamiz. Ishonchim komilki, raqiblar Ispaniyaning guruhda bo‘lishini yoqtirmaydilar" - dedi de la Fuente AS nashriga.