Испания терма жамоаси бош мураббийи Луис де ла Фуэнте 2024 йилги Европа чемпионатига қуръа ташлаш натижаларини сарҳисоб қилди.
Евро-2024 да Испания терма жамоаси Италия, Хорватия ва Албания билан бир гуруҳдан жой олди.
"Бу биздан катта куч талаб қиладиган гуруҳ. Биз энг яхши ўйинимизни кўрсатишимиз керак. Италияда ажойиб жамоа бор. Биз Италия ва Хорватияни Миллатлар лигасидан биламиз, уларнинг саралаш гуруҳида биринчи ўринни эгаллаган Албанияни ҳам унутмайлик.
Евро-2024 да осон ўйинлар бўлмайди. Аммо биз ўз кучимизни ҳис қиламиз. Ишончим комилки, рақиблар Испаниянинг гуруҳда бўлишини ёқтирмайдилар" - деди де ла Фуэнте AS нашрига.