Lissabonning "Benfika" klubi bosh murabbiyi Rojer Shmidt o‘tgan yozda Turinning "Yuventus" klubidan erkin agent sifatida jamoaga qaytgan yarim himoyachi Anxel di Mariyani saqlab qolish istagi borligini ma’lum qildi.
"Biz Di Mariyani yana bir mavsum klubda qoldirishga harakat qilamiz, bu reja. Anxel tomonidan bajariladigan har bir o‘yin va mashg‘ulotlardan zavqlanamiz. Keling, ko‘rib chiqaylik. Biz uni ko‘ndirishga harakat qilamiz", - dedi Shmidt.
35 yoshli Di Mariyaning "Benfika" bilan shartnomasi joriy mavsum oxirigacha amal qiladi. Portugaliya chempionatining ushbu mavsumida argentinalik futbolchi 9 turda 5 ta gol urdi va 1 ta golli uzatmani amalga oshirdi.
