Londonning "Arsenal" klubi Angliya kubogining uchinchi bosqichiga qur’a tashlash natijalaridan keyin o‘z raqibini bilib oldi. Mikel Arteta shogirdlari ushbu turnirdagi o‘yinlarini yanvar oyi boshida bo‘lib o‘tadigan "Liverpul"ga qarshi uy uchrashuvida boshlaydi.
"Arsenal" - "Liverpul" o‘yini Angliya kubogining uchinchi bosqichida markaziy bo‘ladi, chunki boshqa top-klublar qur’a tashlashda omadliroq bo‘lishdi. Masalan, "Chelsi" "Preston", "Manchester Yunayted" "Uigan", "Manchester Siti" esa "Xaddersfild" bilan o‘ynaydi.
Eslatib o‘tamiz, "Arsenal" hozirda Premyer-liga turnir jadvalida peshqadamlik qilmoqda, "Liverpul" esa chempionlik uchun kurashda Mikel Arteta jamoasining raqiblaridan biri hisoblanadi.
