«Barselona» bosh murabbiyi Xavi La Liganing 15-turi doirasida bo‘lib o‘tgan «Atletiko»ga qarshi o‘yin (1:0) borasida o‘z fikrini bildirib o‘tdi.

Feliks haqida

«Joau qay darajada mehnat qilayotganini, to‘pni raqibdan olib qo‘yayotganini, yaxshi pozisiya tanlayotganini va Kanselu bilan yaxshi tandem hosil qilayotganini ko‘rdim. Undagi baxtiyorlikni, faollikni va o‘yinidan qoniqish hosil qilayotganini ko‘ra oldim. Men unga xotirjamlikni saqlab qolish kerakligini aytdim. Ortiqcha motivasiya uni shoshiltirib qo‘yishi mumkin. U juda aqlli o‘ynadi.

Joau bilan shartnoma imzolash haqidagi savol jamoa sport direktoriga berilishi kerak. Biz esa uning o‘yinidan qoniqish hosil qilyapmiz. U yaxshi mehnat qilmoqda. Futbolchilar orasida hech qanday muammo yo‘q. U bizning joker. U jamoani yanada jipslashtirdi. Klubda shunday futbolchi borligidan xursandmiz».

O‘yin haqida

«Barsa» bugun juda yaxshi o‘ynadi. «Atletiko» ikkinchi bo‘limda bosim o‘tkazdi. Shunga qaramay, ehtimol, "Barselona"ning joriy mavsumdagi eng yaxshi o‘yinini ko‘rdik».