Madridning “Real” klubi yarim himoyachisi Jud Bellingem “Golden Boy” sovrinini qo‘lga kiritganidan so‘ng o‘z fikrlari bilan o‘rtoqlashdi.
20 yoshli ingliz 2023 yilning eng yaxshi yosh futbolchisi deb topildi. Yarim himoyachi dushanba kuni o‘z mukofotini oldi.
“Mendan oldin ko‘plab buyuk futbolchilar qo‘lga kiritgan sovrinni qo‘lga kiritganimdan xursandman.
Men dunyodagi eng zo‘rmanmi? Buni eshitish yaxshi, lekin men bu fikrga rozi bo‘lishim qiyin. Men uchun har hafta jamoamga yordam berish muhim.
"Real Madrid" va Angliya bilan hamma narsada g‘alaba qozonishni istayman va bu istakni tabiiy deb hisoblash mumkin. Men hech narsa va’da qila olmayman, lekin bunga erishish uchun qo‘limdan kelgan barcha ishni qilyapman", - deya Bellingem so‘zlarini keltiradi jurnalist Alfredo Pedulla.
