Hujumchi Eddi Nketia qishki transfer oynasida Londonning «Arsenal» klubini tark etishi mumkin, deya xabar bermoqda Football Transfers jurnalistlari.
Manbaning xabar berishicha, Angliya vise-chempioni rahbariyati yanvar oyida 24 yoshli futbolchini sotish bo‘yicha takliflarni ko‘rib chiqishga tayyor.
Transfermarkt portali ekspertlari forvardning narxini 30 million yevroga baholamoqda. Tomonlar o‘rtasidagi mehnat shartnomasi 2027 yilning yozida tugaydi.
Joriy mavsumda Nketia Angliya Premyer-ligasining 14 ta uchrashuvida qatnashib, 5 ta gol urdi.