"Real"ning sobiq yarim himoyachisi Xames Rodriges madridliklar safiga qanday o‘tganini esladi.

Kolumbiyalik futbolchi 2014 yilning iyul oyida «Monako»dan 75 million yevro evaziga «Los-Blankos» safiga qo‘shilgan edi. Hujumkor yarim himoyachining so‘zlariga ko‘ra, uning faoliyatini davom ettirish uchun boshqa imkoniyatlari bor edi.

«PSJ va «Manchester Siti» meni sotib olmoqchi edi - ular ko‘proq pul taklif qilishdi, lekin men Florentino Peres bilan suhbatdan keyin «Real»ni tanladim. U mendan so‘radi: "Siz pul yoki shon-sharafni xohlaysizmi?" Men ikkinchisini afzal ko‘rganimni aytdim, shunda u: "Bo‘ldi", dedi. «Real»da o‘ynashni juda xohlardim", - deya Rodriges so‘zlaridan iqtibos keltiradi Madrid Xtra.

Xames 2020 yilgacha "Real Madrid"da o‘ynadi.