"Реал"нинг собиқ ярим ҳимоячиси Хамес Родригес мадридликлар сафига қандай ўтганини эслади.

Колумбиялик футболчи 2014 йилнинг июль ойида «Монако»дан 75 миллион евро эвазига «Лос-Бланкос» сафига қўшилган эди. Ҳужумкор ярим ҳимоячининг сўзларига кўра, унинг фаолиятини давом эттириш учун бошқа имкониятлари бор эди.

«ПСЖ ва «Манчестер Сити» мени сотиб олмоқчи эди - улар кўпроқ пул таклиф қилишди, лекин мен Флорентино Перес билан суҳбатдан кейин «Реал»ни танладим. У мендан сўради: "Сиз пул ёки шон-шарафни хоҳлайсизми?" Мен иккинчисини афзал кўрганимни айтдим, шунда у: "Бўлди", деди. «Реал»да ўйнашни жуда хоҳлардим", - дея Родригес сўзларидан иқтибос келтиради Madrid Xtra.

Хамес 2020 йилгача "Реал Мадрид"да ўйнади.