Lionel Messi nufuzli Time jurnali talqiniga ko‘ra yilning eng yaxshi sportchisi deb topildi. Tegishli ma’lumotlar jurnalning veb-saytida joylashtirilgan.
2022/2023 yilgi mavsum yakunida Messi Yevropani tark etishga qaror qildi. «PSJ»dagi ikki yillik faoliyatidan so‘ng argentinalik futbolchi MLSning «Inter Mayami» klubi bilan shartnoma imzoladi.
Eslatib o‘tamiz, oktyabr oyi oxirida 36 yoshli Lionel Messi faoliyatidagi sakkizinchi «Oltin to‘p»ni qo‘lga kiritgan edi.
Bu sovrin argentinalikka asosan Argentina terma jamoasi bilan 2022 yilgi jahon chempionatidagi muvaffaqiyati tufayli berildi.