Mavsum yakunlangach, turli xil ko‘rinishdagi sarhisoblar, statistik raqamlar haqida ma’lumotlar taqdim etib borilishini inobatga olgan holda hozirgi qishki tanaffusdan foydalanib e’tiboringizga “Andijon” klubiga doir statistik ko‘rsatkichlarni asta-sekin taqdim etib boramiz.   

Xabaringiz bor, jamoamiz “Superliga-2023”ni 7-o‘rinda yakunladi. Qizig‘i, O‘zbekiston chempionati ilk start olgan 1992 yilda ham “Andijon” yakunda 7-pog‘onadan joy olgan.

Hozircha “Andijon”ning eng yuqori natijasi 5-o‘rin bo‘lib, bu 2008 yilgi mavsumga to‘g‘ri keladi.

Umumiy hisobda “Burgutlar” 6-marotaba 7-o‘rinni qo‘lga kiritdi. “Andijon” O‘zbekiston chempionatida bungacha so‘nggi bor 2010 yilgi mavsumda 7-pog‘onadan joy olgan. E’tiborlisi, shundan beri chempionatni 10-o‘rindan pastki o‘rinlarda tugatib kelayotgandi. Shuni inobatga oladigan bo‘lsak, jamoamizning joriy yildagi natijasi ancha yaxshilanganiga guvoh bo‘lishimiz mumkin.

Quyida "Andijon"ning O‘zbekiston chempionatlaridagi egallagan o‘rni bilan tanishasiz:

1992 yil – 7-o‘rin
1993 yil – 7-o‘rin
1994 yil – 11-o‘rin
1995 yil – 8-o‘rin
1996 yil – 8-o‘rin
1997 yil – 12-o‘rin
1998 yil – 10-o‘rin
1999 yil – 6-o‘rin
2000 yil – 8-o‘rin
2001 yil – 8-o‘rin
2002 yil – 10-o‘rin
2003 yil – 7-o‘rin
2004 yil – 14-o‘rin
2006 yil – 10-o‘rin
2007 yil – 10-o‘rin
2008 yil – 5-o‘rin
2009 yil – 7-o‘rin
2010 yil – 7-o‘rin
2011 yil – 12-o‘rin
2012 yil – 14-o‘rin
2014 yil - 14-o‘rin
2015 yil – 13-o‘rin
2016 yil – 16-o‘rin
2019 yil – 10-o‘rin
2020 yil – 13-o‘rin
2021 yil – 13-o‘rin
2023 yil – 7-o‘rin

“Andijon” matbuot xizmati.