"Manchester Siti" himoyachisi Kayl Uoker yaqin kelajakda nimaga erishmoqchi ekanligini tushuntirdi.
33 yoshli ingliz futbolchisi mavsum boshida "Bavariya"ga o‘tishi mumkin edi, ammo qolishni va "shaharliklar" bilan shartnomasini uzaytirishni afzal ko‘rdi.
“2017 yilda bu yerga kelganimda loyihaning maqsadi sovrinlar yutish edi. Agar kimdir o‘shanda hech bo‘lmaganda bir marta Premyer-ligada g‘alaba qozonishimni aytganida, xursand bo‘lardim. O‘ylaymanki, biz nimaga erishganimizni oxirigacha tushunmaymiz.
Biz bosimga dosh berishimiz va ketma-ket to‘rtinchi marta Premyer-liga chempionligini qo‘lga kiritish orqali yana bir rekordni yangilashimiz kerak. Bu yerdagi ishim tugamadi. Men va jamoamiz hali ko‘p narsaga erishishimiz kerakligini his qilyapman, biz sovrinlarni yutishda davom eta olamiz va men buning bir qismi bo‘lishni xohlayman", - deya Uokerning so‘zlarini keltiradi City Xtra.
