"Betis"ning chap qanot himoyachisi Xuan Mirandaga A Seriyaning boshqa klubi qiziqish bildirmoqda.
23 yoshli futbolchi mavsum yakunida erkin agentga aylanadi - u iyun oyida tugaydigan shartnomasini uzaytirmoqchi emas. O‘tgan oylarda "Milan" ispaniyalik futbolchi bilan muzokara olib bordi va uni erkin agent sifatida qo‘lga kiritishni rejalashtirmoqda. Noyabr oyida tomonlar kelishuvga yaqin edi, biroq vaziyat shu kungacha noaniqligicha qolmoqda.
Calciomercato xabariga ko‘ra, "Napoli" "Milan"dan Mirandani tortib olishga tayyor. Neapolliklar rahbariyati lateralga mavsumiga 2 million yevro maosh bilan besh yillik shartnoma taklif qilmoqchi - futbolchiga "rossonerilar" taxminan bir xil shartlarni va’da qilgan edi.
