"Бетис"нинг чап қанот ҳимоячиси Хуан Мирандага А Сериянинг бошқа клуби қизиқиш билдирмоқда.

23 ёшли футболчи мавсум якунида эркин агентга айланади - у июнь ойида тугайдиган шартномасини узайтирмоқчи эмас. Ўтган ойларда "Милан" испаниялик футболчи билан музокара олиб борди ва уни эркин агент сифатида қўлга киритишни режалаштирмоқда. Ноябрь ойида томонлар келишувга яқин эди, бироқ вазият шу кунгача ноаниқлигича қолмоқда.

Calciomercato хабарига кўра, "Наполи" "Милан"дан Мирандани тортиб олишга тайёр. Неаполликлар раҳбарияти латералга мавсумига 2 миллион евро маош билан беш йиллик шартнома таклиф қилмоқчи - футболчига "россонерилар" тахминан бир хил шартларни ваъда қилган эди.