"Liverpul" "Nissa" yarim himoyachisi Kefren Tyuram uchun kurashda g‘alaba qozonishga qaror qildi. Tuttojuve nashri xabariga ko‘ra, Yurgen Klopp jamoasining fikricha, bitimni yakunlash uchun fransuzlarga 35 million yevro + bonuslar taklif qilish kifoya.
Eslatib o‘tamiz, Turinning “Yuventus” klubi ham Tyuramga da’vogarlik qilmoqda, biroq Massimiliano Allegri jamoasi kerakli miqdorda tovon pulini to‘lashga qurbi yetmaydi. "Keksa sinyora" fransuzni keyinchalik sotib olish huquqi bilan ijaraga olishga tayyor, bu "Nissa"ga to‘g‘ri kelmaydi.
Joriy mavsumda Tyuram Fransiya chempionatida 12 ta o‘yinda maydonga tushdi va birorta ham samarali harakat qayd etmadi.
