"Napoli" sardori Jovanni di Lorenso Italiya A seriyasining navbatdagi turi markaziy o‘yinini o‘tkazib yuborishi mumkin. Xabarga ko‘ra, o‘ng qanot himoyachisi Turinda "Yuventus"ga qarshi o‘yinda jamoasiga yordam bera olmasligi mumkin.
Qayd etilishicha, Di Lorenso mushaklaridan kichik jarohat olgan va italiyalik futbolchining "Yuventus" bilan o‘yingacha tiklanishi hozircha noma’lum.
Eslatib o‘tamiz, “Napoli” ayni damda chempionat jadvalida to‘rtinchi o‘rindagi “Roma” bilan bir xil ochko jamg‘argan holda beshinchi o‘rinda bormoqda.
Di Lorenso joriy mavsum Italiya chempionatida 1 ta gol urdi va 4 ta golli uzatmani amalga oshirdi.
