"Наполи" сардори Жованни ди Лоренцо Италия А сериясининг навбатдаги тури марказий ўйинини ўтказиб юбориши мумкин. Хабарга кўра, ўнг қанот ҳимоячиси Туринда "Ювентус"га қарши ўйинда жамоасига ёрдам бера олмаслиги мумкин.
Қайд этилишича, Ди Лоренцо мушакларидан кичик жароҳат олган ва италиялик футболчининг "Ювентус" билан ўйингача тикланиши ҳозирча номаълум.
Эслатиб ўтамиз, “Наполи” айни дамда чемпионат жадвалида тўртинчи ўриндаги “Рома” билан бир хил очко жамғарган ҳолда бешинчи ўринда бормоқда.
Ди Лоренцо жорий мавсум Италия чемпионатида 1 та гол урди ва 4 та голли узатмани амалга оширди.
