Myunxenning "Bavariya" klubi "Real" bilan yulduz futbolchilar almashinuvini tashkil etishga tayyor. Defensa Central xabariga ko‘ra, "Qizil mashina" o‘zining chap qanot himoyachisi Alfonso Devisni "Real" hujumchisi Rodrigo evaziga "Santyago Bernabeu"ga qo‘yib yuborishga tayyor.
Eslatib o‘tamiz, Devis "Real Madrid"ning kelayotgan yozdagi asosiy transfer maqsadlaridan biri hisoblanadi. Futbolchi hozircha "Bavariya" bilan 2025 yilning yozida tugaydigan shartnomasini uzaytirishdan bosh tortgan.
Rodrigoga kelsak, yosh braziliyalik yaqinda "Qirollik klubi" bilan yangi shartnoma imzoladi va "Real Madrid"da baxtli ekanini ta’kidladi.