Brayan Saragosa yozda "Bavariya" futbolchisiga aylanadi. Myunxen klubi bo‘lajak transferini rasman e’lon qildi. Sport direktori Kristof Froynd kelishuv haqida fikr bildirdi.
"Brayan Saragosa - juda tez va o‘ta chaqqon vinger, u ikkala qanotda ham o‘ynay oladi. Uning harakatlarini oldindan aytib bo‘lmaydi, u gol ura oladi. Bu yil u allaqachon Ispaniya terma jamoasida debyut qildi va katta salohiyatga egaligini ko‘rsatdi. U ispaniyalik o‘yinchilardan biri va bir muncha vaqtdan beri bizning radarimizda edi. U bizning hujum qobiliyatimizni oshiradi", - deya Froyndning so‘zlarini keltiradi "Bavariya" saytida.
