Браян Сарагоса ёзда "Бавария" футболчисига айланади. Мюнхен клуби бўлажак трансферини расман эълон қилди. Спорт директори Кристоф Фройнд келишув ҳақида фикр билдирди.
"Браян Сарагоса - жуда тез ва ўта чаққон вингер, у иккала қанотда ҳам ўйнай олади. Унинг ҳаракатларини олдиндан айтиб бўлмайди, у гол ура олади. Бу йил у аллақачон Испания терма жамоасида дебют қилди ва катта салоҳиятга эгалигини кўрсатди. У испаниялик ўйинчилардан бири ва бир мунча вақтдан бери бизнинг радаримизда эди. У бизнинг ҳужум қобилиятимизни оширади", - дея Фройнднинг сўзларини келтиради "Бавария" сайтида.
