Toshkent vaqti bilan 8 dekabrga o‘tar kechasi Mayamida 2024 yilgi Amerika kubogiga qur’a tashlash marosimi bo‘lib o‘tadi. Ushbu marosim uchun savatchalar tarkibi turnirning rasmiy saytida e’lon qilindi.
1-Savatcha. Argentina, Meksika, AQSH, Braziliya.
2-Savatcha. Urugvay, Kolumbiya, Ekvador, Peru.
3-Savatcha. Chili, Panama, Venesuela, Paragvay.
4-Savatcha. Yamayka, Boliviya, Kanada/Trinidad va Tobago, Kosta-Rika/Gonduras.
Birinchi savatchaga rasman ajratilgan jamoalar allaqachon guruhlarga bo‘lingan. Argentina A guruhida, Meksika B guruhida, AQSH C guruhida va Braziliya D guruhida.
Qur’a tashlash marosimi 8 dekabr kuni Toshkent vaqti bilan soat 04:30 da boshlanadi.
4-savatchadan Amerika kubogi uchun ikkita ishtirokchi o‘yin bosqichida aniqlanadi. Jamoalar kelasi yilning 23 mart kuni AQSHda bittadan o‘yin o‘tkazishadi.
2024 yilgi Amerika kubogi 20 iyundan 14 iyulga qadar AQSHda bo‘lib o‘tadi. Final Yevro-2024 finali bilan bir kunda bo‘lib o‘tadi.
