Тошкент вақти билан 8 декабрга ўтар кечаси Майамида 2024 йилги Америка кубогига қуръа ташлаш маросими бўлиб ўтади. Ушбу маросим учун саватчалар таркиби турнирнинг расмий сайтида эълон қилинди.
1-Саватча. Аргентина, Мексика, АҚШ, Бразилия.
2-Саватча. Уругвай, Колумбия, Эквадор, Перу.
3-Саватча. Чили, Панама, Венесуэла, Парагвай.
4-Саватча. Ямайка, Боливия, Канада/Тринидад ва Тобаго, Коста-Рика/Гондурас.
Биринчи саватчага расман ажратилган жамоалар аллақачон гуруҳларга бўлинган. Аргентина А гуруҳида, Мексика Б гуруҳида, АҚШ C гуруҳида ва Бразилия Д гуруҳида.
Қуръа ташлаш маросими 8 декабрь куни Тошкент вақти билан соат 04:30 да бошланади.
4-саватчадан Америка кубоги учун иккита иштирокчи ўйин босқичида аниқланади. Жамоалар келаси йилнинг 23 март куни АҚШда биттадан ўйин ўтказишади.
2024 йилги Америка кубоги 20 июндан 14 июлга қадар АҚШда бўлиб ўтади. Финал Евро-2024 финали билан бир кунда бўлиб ўтади.
