"Napoli"ning sobiq ustozi Luchano Spaletti Neapolning faxriy fuqarosi unvoniga sazovor bo‘ldi. Bu haqda Football Italia nashri xabar bermoqda.
64 yoshli mutaxassis bu unvonni katta sport yutuqlari uchun olgan. Eslatib o‘tamiz, Spaletti qo‘l ostida “Napoli” 33 yil ichida ilk bor Italiya chempionligini qo‘lga kirita oldi. Murabbiy "Napoli" klubini 2021 yildan 2023 yilgacha boshqargan.
Sentyabr oyidan buyon Spaletti Italiya terma jamoasi bosh murabbiyi lavozimida ishlab kelmoqda. U jamoa bilan birgalikda oltita o‘yin o‘tkazib, uchta g‘alaba qozongan, ikki bor durang o‘ynagan va bitta mag‘lubiyat alamini totib ko‘rgan. Spalettining Italiya bilan shartnomasi 2026 yilgacha mo‘ljallangan.