"Наполи"нинг собиқ устози Лучано Спалетти Неаполнинг фахрий фуқароси унвонига сазовор бўлди. Бу ҳақда Football Italia нашри хабар бермоқда.

64 ёшли мутахассис бу унвонни катта спорт ютуқлари учун олган. Эслатиб ўтамиз, Спалетти қўл остида “Наполи” 33 йил ичида илк бор Италия чемпионлигини қўлга кирита олди. Мураббий "Наполи" клубини 2021 йилдан 2023 йилгача бошқарган.

Сентябрь ойидан буён Спалетти Италия терма жамоаси бош мураббийи лавозимида ишлаб келмоқда. У жамоа билан биргаликда олтита ўйин ўтказиб, учта ғалаба қозонган, икки бор дуранг ўйнаган ва битта мағлубият аламини тотиб кўрган. Спалеттининг Италия билан шартномаси 2026 йилгача мўлжалланган.