"Tottenxem" so‘nggi besh o‘yinda to‘rtinchi mag‘lubiyatini qabul qildi.
Ange Postekoglu shogirdlari APLning 15-turida o‘z maydonida “Vest Xem”ga (1:2) mag‘lub bo‘ldi.
Angliya chempionatining 10-turidan keyin “shporlar” peshqadamlik qilayotgandi. O‘shandan beri ular bor-yo‘g‘i bir ochko jamg‘ardi va to‘rt marta mag‘lub bo‘ldi. Londonliklar endilikda 27 ochko bilan beshinchi o‘rinda, birinchi o‘rindagi “Arsenal”dan 9 ochko ortda qolmoqda.
Keyingi o‘rinda “Tottenxem” 10 dekabr kuni “Nyukasl”ga qarshi o‘ynaydi.
