"Nottingem Forest" sardori Jo Uorrell jamoadan chetlatildi.
Uning himoyadagi sherigi Skott MakKenna ham xuddi shunday jazoni oladi.
"Daily Mail" xabariga ko‘ra, ularga jamoadan alohida mashg‘ulot o‘tkazish va mashg‘ulotlarga boshqa vaqtda kelish buyurilgan. Hozircha bu borada rasmiy izoh berilmagan, biroq gazeta manbalarining xabar berishicha, buning intizomiy qoidabuzarliklar yoki murabbiylar shtabi bilan har qanday ziddiyatga aloqasi yo‘q.
Har ikki futbolchi kelasi oy klubni tark etishi mumkin.
Uorrell - "Nottingem Forest" tarbiyalanuvchisi va 2016 yildan beri asosiy jamoada. MakKenna esa klubga 2020 yilda qo‘shilgan.
