«Manchester Siti» markaziy himoyachisi Manuel Akanji yarim himoyada o‘ynash borasidagi fikrlarini aytdi.

Shveysariyalik futbolchi «Siti»ning so‘nggi o‘yinlarida yarim himoyachi sifatida o‘ynamoqda. Chorshanba kuni bu harakat Pep Gvardiola jamoasini «Aston Villa»ga qarshi o‘yindagi mag‘lubiyatdan (0:1) qutqarib qola olmadi. 

«Menga yarim himoyada o‘ynash yoqadi. Men yaxshiroq ochila boshladim, qachon orqaga qaytishni unutganim yo‘q.

Ko‘rib turganingizdek, imkon qadar oldinga paslar berishga harakat qilaman. Eng muhimi, jamoaga yordam berish.

Men o‘rganishda davom etishim kerak, lekin menga shunday o‘ynash yoqadi», deya Akanjining so‘zlarini keltiradi jurnalist Jo Brey.