"Real Betis" bosh murabbiyi Manuel Pellegrini "Real"dagi faoliyati haqida gapirdi.

“Madrid haqida birorta yomon so‘z ayta olmayman, chunki afsuslanadigan hech narsam yo‘q. Madrid bilan ishlash katta muvaffaqiyat. Kubok va Chempionlar ligasida yuqoriga chiqmagan bo‘lsak-da, 96 ochko to‘pladik.

Jamoaga kelganimdan beri murabbiy va direktorlar kengashining vazifasi nima ekanligi borasida kelishmovchiliklarga duch keldik. Janjal qilmasdan, men bu farqlarni qabul qilaman. Murabbiy nima va u nima qilishi kerakligi haqida prezidentning o‘z qarashi bor, mavsum boshida men u bilan kelishmovchiliklarga duch kelganman. Hatto o‘shanda ketishni taklif qilgandim. Lekin bunday bo‘lmadi.

Mavsum o‘tdi va men chempionlikni qo‘lga kiritdimmi yoki yo‘qmi, Madriddan ketayotganimni angladim. Agar prezident bilan kelishmovchilik bo‘lsa, murabbiy ketadi. Menda Florentino Peres bilan hech qanday muammo yo‘q", - dedi Pellegrini AS bilan suhbatda.

Pellegrini "Real"ni 2009 yilning iyulidan 2010 yilning mayigacha boshqargan.