"Реал Бетис" бош мураббийи Мануэль Пеллегрини "Реал"даги фаолияти ҳақида гапирди.
“Мадрид ҳақида бирорта ёмон сўз айта олмайман, чунки афсусланадиган ҳеч нарсам йўқ. Мадрид билан ишлаш катта муваффақият. Кубок ва Чемпионлар лигасида юқорига чиқмаган бўлсак-да, 96 очко тўпладик.
Жамоага келганимдан бери мураббий ва директорлар кенгашининг вазифаси нима эканлиги борасида келишмовчиликларга дуч келдик. Жанжал қилмасдан, мен бу фарқларни қабул қиламан. Мураббий нима ва у нима қилиши кераклиги ҳақида президентнинг ўз қараши бор, мавсум бошида мен у билан келишмовчиликларга дуч келганман. Ҳатто ўшанда кетишни таклиф қилгандим. Лекин бундай бўлмади.
Мавсум ўтди ва мен чемпионликни қўлга киритдимми ёки йўқми, Мадриддан кетаётганимни англадим. Агар президент билан келишмовчилик бўлса, мураббий кетади. Менда Флорентино Перес билан ҳеч қандай муаммо йўқ", - деди Пеллегрини AS билан суҳбатда.
Пеллегрини "Реал"ни 2009 йилнинг июлидан 2010 йилнинг майигача бошқарган.
