"Borussiya" qanot himoyachisi Yulian Ryuerson va jamoa hujumchisi Yussuf Mukoko bu yil Dortmundga yordam bera olmaydi.

Klub matbuot xizmati Ryuerson kubok doirasida "Shtutgart"ga qarshi o‘yinda tizzasidan jarohat olgani va 2023 yilning oxirigacha maydonga tushmasligini ma’lum qildi. Qolaversa, Mukoko bu yil ham "Borussiya"ga yordam bermaydi - uning son qismidan jarohat olgani aniqlangan.

Eslatib o‘tamiz, Germaniya kubogi 1/8 finalida “Borussiya” “Shtutgart”ga 0:2 hisobida imkoniyatni boy bergandi.

Edin Terzich shogirdlari navbatdagi o‘yinni “Leypsig” jamoasiga qarshi o‘tkazadi. O‘yin ertaga, 9 dekabr kuni bo‘lib o‘tadi. Bundesliganing 14-turidan o‘rin olgan uchrashuvning boshlanishi Toshkent vaqti bilan 22:30ga belgilangan.