"Боруссия" қанот ҳимоячиси Юлиан Рюэрсон ва жамоа ҳужумчиси Юссуф Мукоко бу йил Дортмундга ёрдам бера олмайди.

Клуб матбуот хизмати Рюэрсон кубок доирасида "Штутгарт"га қарши ўйинда тиззасидан жароҳат олгани ва 2023 йилнинг охиригача майдонга тушмаслигини маълум қилди. Қолаверса, Мукоко бу йил ҳам "Боруссия"га ёрдам бермайди - унинг сон қисмидан жароҳат олгани аниқланган.

Эслатиб ўтамиз, Германия кубоги 1/8 финалида “Боруссия” “Штутгарт”га 0:2 ҳисобида имкониятни бой берганди.

Эдин Терзич шогирдлари навбатдаги ўйинни “Лейпциг” жамоасига қарши ўтказади. Ўйин эртага, 9 декабрь куни бўлиб ўтади. Бундеслиганинг 14-туридан ўрин олган учрашувнинг бошланиши Тошкент вақти билан 22:30га белгиланган.