Vladimir Putin juma kuni kelasi yilning 15-17 mart kunlari bo‘lib o‘tadigan Rossiya prezidenti saylovlarida ishtirok etishini ma’lum qildi.
Avvalroq matbuotda prezidentlik saylovlari munosabati bilan Rossiya Premyer-ligasining 21-turi o‘yinlari zaxira sanasiga ko‘chirilishi mumkinligi haqida xabarlar paydo bo‘lgandi. Hozircha RPLda bunday rejalar yo‘q, ammo vaziyat o‘zgarishi mumkin. Rossiyadagi so‘nggi prezidentlik saylovlarida ba’zi o‘yinlar qoldirilgandi.
Ayni paytda Rossiya chempionati peshqadami "Krasnodar" (35 ochko) bo‘lib turibdi. Ikkinchi o‘rinni "Zenit" egallab turibdi. Kuchli uchlikni “Dinamo” (31 ochko) yakunlab turibdi.
