Владимир Путин жума куни келаси йилнинг 15-17 март кунлари бўлиб ўтадиган Россия президенти сайловларида иштирок этишини маълум қилди.
Аввалроқ матбуотда президентлик сайловлари муносабати билан Россия Премьер-лигасининг 21-тури ўйинлари захира санасига кўчирилиши мумкинлиги ҳақида хабарлар пайдо бўлганди. Ҳозирча РПЛда бундай режалар йўқ, аммо вазият ўзгариши мумкин. Россиядаги сўнгги президентлик сайловларида баъзи ўйинлар қолдирилганди.
Айни пайтда Россия чемпионати пешқадами "Краснодар" (35 очко) бўлиб турибди. Иккинчи ўринни "Зенит" эгаллаб турибди. Кучли учликни “Динамо” (31 очко) якунлаб турибди.
