"Jirona" yarim himoyachisi Pablo Torre "Barselona"ga qarshi o‘ynamaydi.
Aynan "ko‘k-anorranglilar" "Jirona"da ijara asosida o‘ynayotgan Torrening huquqlariga egalik qilishadi. Jurnalist Ferran Korreasning yozishicha, 20 yoshli futbolchi o‘z klubiga qarshi o‘ynash huquqiga ega, ammo bu holatda "Barselona" "Jirona"dan 300 ming yevro miqdorida tovon puli oladi, shu bois bu variant istisno qilingan. Erik Garsiyaning shartnomasida bunday cheklovlar yo‘q - unga Xavi Ernandes jamoasi bilan o‘yinda maydonga tushishga ruxsat berilgan.
"Barselona" La Liganing navbatdagi turida "Jirona"ni qabul qiladi. Bahs 10 dekabr kuni bo‘lib o‘tadi.
