"Жирона" ярим ҳимоячиси Пабло Торре "Барселона"га қарши ўйнамайди.
Айнан "кўк-анорранглилар" "Жирона"да ижара асосида ўйнаётган Торренинг ҳуқуқларига эгалик қилишади. Журналист Ферран Корреаснинг ёзишича, 20 ёшли футболчи ўз клубига қарши ўйнаш ҳуқуқига эга, аммо бу ҳолатда "Барселона" "Жирона"дан 300 минг евро миқдорида товон пули олади, шу боис бу вариант истисно қилинган. Эрик Гарсиянинг шартномасида бундай чекловлар йўқ - унга Хави Эрнандес жамоаси билан ўйинда майдонга тушишга рухсат берилган.
"Барселона" Ла Лиганинг навбатдаги турида "Жирона"ни қабул қилади. Баҳс 10 декабрь куни бўлиб ўтади.
