Faqat Erling Xoland 2023 yilda Krishtianu Ronaldudan ko‘proq gol urgan.
“An-Nasr” hujumchisi bugun “Ar-Riyod”ga qarshi o‘yinda Saudiya Arabistoni chempionati 16-tur uchrashuvining 31-daqiqasida vinger Sadio Manening uzatmasidan unumli foydalanib, hisobni ochdi.
Joriy kalendar yilida portugaliyalik futbolchi klub va terma jamoa safida 49 ta gol urishga erishdi. Bu ko‘rsatkich bo‘yicha u Xarri Keyn («Bavariya», Angliya terma jamoasi) va Kilian Mbappe («PSJ», Fransiya terma jamoasi) bilan tenglashib turibdi.
Erling Xoland (“Manchester Siti”, Norvegiya terma jamoasi) 50 ta gol bilan peshqadamlik qilmoqda.
