Фақат Эрлинг Холанд 2023 йилда Криштиану Роналдудан кўпроқ гол урган.

“Ан-Наср” ҳужумчиси бугун “Ар-Риёд”га қарши ўйинда Саудия Арабистони чемпионати 16-тур учрашувининг 31-дақиқасида вингер Садио Маненинг узатмасидан унумли фойдаланиб, ҳисобни очди.

Жорий календар йилида португалиялик футболчи клуб ва терма жамоа сафида 49 та гол уришга эришди. Бу кўрсаткич бўйича у Харри Кейн («Бавария», Англия терма жамоаси) ва Килиан Мбаппе («ПСЖ», Франция терма жамоаси) билан тенглашиб турибди.

Эрлинг Холанд (“Манчестер Сити”, Норвегия терма жамоаси) 50 та гол билан пешқадамлик қилмоқда.