"Aston Villa"ning so‘nggi muvaffaqiyatlari ortida turgan omillardan biri bu mavsumda sakkizta gol urib, sakkizta golli uzatmani amalga oshirgan hujumchi Olli Uotkinsning o‘yinidir. Todofichajes.com xabariga ko‘ra, uning muvaffaqiyati Yevropaning top-klublari, xususan, Londonning "Arsenal" klubi rahbariyatini o‘ziga jalb qilmoqda.
Ammo "Aston Villa" allaqachon "kanonirlar"ga Uotkinsni qo‘lga kiritish uchun katta mablag‘ talab qilinishi haqida xabar berib, kerakli mablag‘ni yig‘ishni tavsiya qilgan.
Uotkins 2020 yildan buyon o‘zining hozirgi klubida to‘p tepmoqda, avval "Ekseter Siti" va "Brentford" kabi jamoalarda o‘ynagan, shuningdek, 2021 yildan beri Angliya terma jamoasiga chaqirilmoqda.