"Астон Вилла"нинг сўнгги муваффақиятлари ортида турган омиллардан бири бу мавсумда саккизта гол уриб, саккизта голли узатмани амалга оширган ҳужумчи Олли Уоткинснинг ўйинидир. Todofichajes.com хабарига кўра, унинг муваффақияти Европанинг топ-клублари, хусусан, Лондоннинг "Арсенал" клуби раҳбариятини ўзига жалб қилмоқда.
Аммо "Астон Вилла" аллақачон "канонирлар"га Уоткинсни қўлга киритиш учун катта маблағ талаб қилиниши ҳақида хабар бериб, керакли маблағни йиғишни тавсия қилган.
Уоткинс 2020 йилдан буён ўзининг ҳозирги клубида тўп тепмоқда, аввал "Эксетер Сити" ва "Брентфорд" каби жамоаларда ўйнаган, шунингдек, 2021 йилдан бери Англия терма жамоасига чақирилмоқда.